Grŵp Cynllunio Ymgynghorol ar gyfer Ceiswyr Lloches a Ffoaduriaid

Mae Strategaeth Iechyd, Gofal Cymdeithasol a Lles 2008-2011 Caerdydd "Gweithio Tuag at Ddinas Iach" yn nodi iechyd a lles ceiswyr lloches a ffoaduriaid yng Nghaerdydd fel un o'r blaenoriaethau.

 

Datganiad Cenhadaeth

Mae Grŵp Cynllunio Cynghori Rhanddeiliaid Ceiswyr Lloches a Ffoaduriaid yn hyrwyddo iechyd a lles ceiswyr lloches sydd ar wasgar yng Nghaerdydd a ffoaduriaid sydd am aros yng Nghaerdydd. Mae'r grŵp yn fforwm rheolaidd ar gyfer asiantaethau allweddol i drafod materion sy'n gysylltiedig â rhoi cymorth a darparu gwasanaethau i Geiswyr Lloches a Ffoaduriaid yn ardal Caerdydd a darparu gwybodaeth i hysbysu'r broses gynllunio.

 

Cyflawniadau Allweddol 2005-2008:

  • Dyfarnwyd contract 5 mlynedd newydd 2006-2011 i Gyngor Caerdydd, trwy broses dendro gystadleuol. Mae'r trefniadau cytundebol wedi'u gweithredu'n llwyddiannus ac mae'r Cyngor yn parhau i weithio gydag ystod o randdeiliaid i hyrwyddo dulliau cyfathrebu da a darparu gwasanaeth o ansawdd uchel. Roedd y Cyngor hefyd yn llwyddiannus wrth integreiddio'r Gwasanaeth Llety Dros Dro mewn i waith y Tîm Lloches ac mae hyn wedi arwain at fwy o hyblygrwydd a'r posibilrwydd o rai pobl yn gallu aros yn eu llety tra'u bod yn disgwyl 'caniatâd i aros'.
  • Parhau i ddarparu gwasanaethau gofal sylfaenol i geiswyr lloches a ffoaduriaid a hwyluso gwell mynediad at wasanaethau gofal iechyd y brif ffrwd.
  • Datblygu ystod o brojectau'r sector gwirfoddol wedi'u cynllunio i ddarparu cymorth a chyngor i geiswyr lloches, er enghraifft project 'YANA' SOVA (cefnogi eraill trwy weithgarwch gwirfoddol) project 'EQUAL' Cyngor Ffoaduriaid Cymru (CFfC) a 'Meddwl Iach yn y Gwaith' Hefyd mae Alltudion ar Waith wedi datblygu cynllun 'Parodrwydd i weithio'.
  • Sicrhaodd CFfC gyllid i ddarparu 'Gwasanaeth Un Stop' 2008-2008. Roedd hyn yn cynnwys darparu gwasanaethau i alluogi ceiswyr lloches i ddelio ag ymholiadau mewn perthynas ˆ'u cymorth, i gael mynediad at ystod o wasanaethau ac i ddarparu canolbwynt i sefydliadau'r sector gwirfoddol sy'n gweithio gyda cheiswyr lloches a ffoaduriaid, gan gynnwys Sefydliadau Cymunedau Ffoaduriaid (SCFf).
  • Dyfarnwyd y gwasanaeth Llety Cychwynnol Amlap ar gyfer Cymru a De-orllewin Lloegr (NAM) i CFfC.
  • Cyfrannodd ystod o asiantaethau at Strategaeth Cynhwysiad Llywodraeth Cynulliad Cymru.
  • Darparwyd sesiynau codi ymwybyddiaeth i holl Reolwyr Meddygfeydd Teulu yng Nghaerdydd, gan esbonio'r broses Model Lloches Newydd ac effaith hyn ar iechyd.
  • Bu cydweithio rhwng asiantaethau cadarnhaol i hyrwyddo cydlyniad cymdeithasol trwy gyfathrebu da a mentrau cydweithio, er enghraifft mae gan Heddlu De Cymru swyddog cyswllt penodol ar gyfer ceiswyr lloches a ffoaduriaid.
  • Mae Bwrdd Iechyd Lleol Caerdydd wedi comisiynu Ymddiriedolaeth GIG Caerdydd a'r Fro i ddarparu gwasanaeth sgrinio a arweinir gan nyrsys ar gyfer pob ceisiwr lloches sy'n cyrraedd a chynnal asesiadau iechyd yn Ysbyty Brenhinol Caerdydd.
  • Cychwynnodd Sefydliad Tai Taf gynlluniau tai trosiannol ar gyfer ffoaduriaid i'w galluogi i gael mynediad at dai yn y cyfnod byr wedi derbyn 'caniatâd i aros' a derbyn cyngor pellach ar arweiniad i symud ymlaen i ddarpariaeth tai'r brif ffrwd.

 

Blaenoriaethau a Nodau Strategol Allweddol 2008-2011:

  1. Hyrwyddo gwella iechyd trwy weithredu'r Cynllun Gweithredu ar Iechyd Grwpiau Digartref ac Agored i Niwed
  2. Lleihau anghydraddoldebau cymdeithasol trwy gryfhau sail y wybodaeth mewn perthynas â materion cydraddoldeb ar gyfer Ceiswyr Lloches a Ffoaduriaid
  3. Datblygu adnoddau tai ychwanegol ar gyfer ffoaduriaid unigol nad oes ganddynt flaenoriaeth angen, yn enwedig metrau llety 'symud ymlaen' sy'n darparu llety i bobl pan gânt 'ganiatâd i aros' yn gyntaf
  4. Cefnogi sefydlu swydd ar gyfer gwaith datblygu iechyd i gynnwys iechyd rhywiol, iechyd meddwl, nam corfforol a synhwyraidd a mynediad at ofal cymunedol a gwasanaethau gofal eilradd
  5. Cyfrannu at ddatblygu Strategaeth Iaith a Chyfathrebu Caerdydd
  6. Cefnogi datblygiad parhaus Sefydliadau Cymunedau Ffoaduriaid
  7. Cefnogi darparu hyfforddiant, gwybodaeth a chodi ymwybyddiaeth am geiswyr lloches a ffoaduriaid ar draws ystod o sefydliadau a gwasanaethau
  8. Cefnogi mentrau sy'n hyrwyddo cydlyniad cymdeithasol
  9. Datblygu gwasanaethau ychwanegol i ddiwallu anghenion iechyd meddwl canfyddedig ceiswyr lloches a ffoaduriaid (oedolion a phlant) trwy ddarparu cwnsela a chymorth
  10. Helpu i ehangu'r ddarpariaeth Saesneg i Siaradwyr Ieithoedd Eraill i alluogi ceiswyr lloches a ffoaduriaid i ddysgu Saesneg fydd yn hwyluso cynhwysiant

 

Partneriaid y Grŵp Cynllunio Cynghori Ceiswyr Lloches a Ffoaduriaid

 

Dogfennau Allweddol

 

Dolenni Eraill

 

Cyswllt

Rheolwr Gweithredol
Cyngor Caerdydd
Tîm Ceiswyr Lloches
48 Heol Splott
Caerdydd

enquiries@cardifflhb.wales.nhs.uk
healthalliance@cardiff.gov.uk