Grŵp Cynllunio Ymgynghorol Gofalwyr

Un o flaenoriaethau Strategaeth Iechyd, Gofal Cymdeithasol a Lles Caerdydd 2008-2011 yw gofalwyr.

 

Datganiad Cenhadaeth

Mae'r Grŵp Gofalwyr yn ymwneud â phob agwedd o'r Strategaeth Iechyd, Gofal Cymdeithasol a Lles. Mae Cynllun Gofalwyr Caerdydd yn rhoi'r cyfeiriad strategol a'r meysydd gweithredu ar gyfer y Grŵp.

 

Cyflawniadau Allweddol 2005-2008:

  • Cynyddu faint o wybodaeth benodol sydd ar gael i ofalwyr a ddarparwyd gan y Cyngor ac amryw o sefydliadau gwirfoddol trwy gylchlythyrau a chyfarfodydd rheolaidd.
  • Strategaeth Gofalwyr Ifanc wedi'i datblygu ac mae Gweithiwr Datblygiad Gofalwyr Ifanc wedi'i benodi i weithredu'r Strategaeth.
  • Cyllid wedi'i ddarparu gan Wasanaethau Oedolion, Cyngor Caerdydd i ddarparu Canolfan Gofalwyr alw heibio bwrpasol.
  • Mae gwasanaethau ychwanegol i ofalwyr pobl sydd ag anghenion iechyd meddwl wedi eu cyllido trwy Wasanaethau Oedolion, Cyngor Caerdydd.
  • Cynhyrchodd Project Datblygiad Iechyd Meddwl 'Directions', canllaw i ofalwyr pobl hŷn ag anghenion iechyd meddwl.
  • Cynyddodd Canolfan 'Upna' i ofalwyr lleiafrifoedd ethnig o sesiynau bob pythefnos i sesiynau bob wythnos a phenodi gweithiwr datblygu.
  • Cyllidodd Gwasanaethau Oedolion Fforwm Gofalwyr Caerdydd, a hwyluswyd gan y Ganolfan Gofalwyr.
  • Lansiwyd gwasanaeth cyngor dros y ffôn a chwnsela i berthnasau/gofalwyr cleientiaid sy'n dioddef o ddementia o'r enw SOLACE ym mis Hydref 2006. Mae'r staff yn trefnu cyfarfodydd cymorth rheolaidd i ofalwyr a thrafodir/trefnir pynciau a siaradwyr pwysig yn y cyfarfodydd hyn.
  • Mae gofalwyr nawr yn rhan o hyfforddiant nyrsys fyfyrwyr (cangen iechyd meddwl) gan siarad â'r myfyrwyr am eu profiad o fod yn ofalwr.
  • Mae ystafell alaru arbennig ar gael yn Ysbyty'r Eglwys Newydd gydag arbenigedd nyrsio i gynorthwyo'r rhai sy'n galaru i ddod i delerau â'u colled, mewn amgylchiadau cyfrinachol a phriodol.

 

Blaenoriaethau a Nodau Strategol Allweddol 2008-2011:

  1. Hyrwyddo gwell iechyd i ofalwyr, gan nodi'r prif faterion iechyd sy'n effeithio ar ofalwyr trwy grŵp gorchwyl a gorffen iechyd Grŵp Cynllunio Cynghori Gofalwyr.
  2. Lleihau'r anghydraddoldebau i ofalwyr a hyrwyddo mynediad cyfartal trwy barhau i chwilio am ffyrdd o sicrhau bod gofalwyr o bob cymuned a chefndir yn gallu cael mynediad at eu hanghenion unigol.
  3. Darparu seibiant addas, gan nodi'r math o seibiant sy'n addas ar gyfer gofalwyr i sicrhau y gellir cynnal eu rôl ofalgar.
  4. Datblygu'r wybodaeth i ofalwyr ymhellach, mewn fformatau hygyrch, Cymraeg Clir, ac ar amserau addas trwy gydol eu rôl fel gofalwyr.
  5. Cynyddu nifer y gofalwyr sy'n hysbys i wasanaethau iechyd a gofal cymdeithasol, er mwyn hwyluso'r broses o gwblhau Asesiad y Gofalwr.
  6. Cynyddu'r gydnabyddiaeth a gwybodaeth am a ofalwyr trwy Hyfforddiant Ymwybyddiaeth Gofalwyr, yn enwedig mewn hyfforddiant sefydlu gwasanaethau cymdeithasol.
  7. Gweithredu polisïau sy'n ystyriol i ofalwyr yn y Cyngor a'r GIG a defnyddio'r rhain fel arfer da ar gyfer cyflogwyr eraill yng Nghaerdydd.
  8. Gweithredu'r ffyrdd mwyaf ymarferol ac effeithiol o gynnwys gofalwyr wrth gynllunio a datblygu gwasanaethau.
  9. Parhau i annog cydweithio rhwng sefydliadau'r sectorau statudol, gwirfoddol a phreifat i ddarparu ystod o wasanaethau i ofalwyr a sicrhau yr ystyrir gofalwyr ym mhob agwedd ar ddarpariaeth gwasanaethau.

 

Partneriaid y Grŵp Cynllunio Ymgynghorol Gofalwyr

 

Dogfennau Allweddol

 

Dolenni Eraill

 

Cyswllt

Rheolwr y Ganolfan Gofalwyr
Canolfan Gofalwyr Caerdydd a'r Fro
Tŷ Victoria
250 Heol Ddwyreiniol y Bont-faen
Caerdydd
CF5 1GZ

cvacarerscentre@btconnect.com
healthalliance@cardiff.gov.uk