Bwrdd Partneriaeth Iechyd mewn Carchardai a Grŵp Cynllunio Cynghori

Nododd Strategaeth Iechyd, Gofal Cymdeithasol a Lles Caerdydd 2008-2011 "Gweithio tuag at Ddinas Iach" fod iechyd carcharorion yn CEM Caerdydd yn un o'i blaenoriaethau.

 

Datganiad Cenhadaeth

Bydd y CGC a Bwrdd Partneriaeth Iechyd mewn Carchardai yn sicrhau bod gwasanaethau iechyd yn CEM Caerdydd yn cael eu cynllunio ar y cyd yn effeithiol ac yn effeithlon.

 

Cyflawniadau Allweddol 2005-2008:

  • Gosod y ffiniau a'r ddealltwriaeth rhwng y Gwasanaeth Iechyd mewn Carchardai a'r GIG er mwyn datblygu partneriaeth effeithiol yn seiliedig ar gytuno ar flaenoriaethau tra'n adnabod a mynd i'r afael â materion/gwahaniaethau diwylliannol rhwng y GIG a'r gwasanaeth iechyd mewn carchardai
  • Sefydlu'r llinell gyllidol sylfaenol unigol cyn trosglwyddo yn Ebrill 2006
  • Newid ymarferion presgripsiwn i garcharorion â phroblemau camddefnyddio sylweddau yn uned dadwenwyno'r carchar, drwy ddefnyddio trefn driniaeth addas
  • Darparu gwasanaeth iechyd rhywiol helaeth gan ddefnyddio gweithlu Cenhedlol-Wrinol a sesiynau gydag Ymgynghorydd Iechyd, yn arwain at leihau amseroedd aros o fewn y gwasanaeth.
  • Adnabod cyfleodd i ddatblygu gwasanaethau o fewn ffynonellau cyllid cyfredol a rhai sy'n tyfu, gan gynnwys cyllid uwch ar gyfer gwasanaethau iechyd meddwl mewnol.
  • Lleihau effaith bywyd carchar a thargedau cynllun Gwella Perfformiad y Gwasanaethau Carchar (PIP) fel nad ydynt yn effeithio'n andwyol ar anghenion iechyd unigol.
  • Datblygu cynllun gweithlu ar gyfer CEM Caerdydd a staff gofal iechyd Ymddiriedolaeth GIG Caerdydd a'r Fro. Arweiniodd hyn at recriwtio nifer o staff graddfa "B", er mwyn rhyddhau nyrsys cymwysedig, fel sy'n arferiad yng ngwaith cynllunio'r GIG, er mwyn darparu gwasanaeth gofal iechyd meddwl sylfaenol
  • Defnyddiwyd ymgynghorydd allanol i gynnal adolygiad helaeth ar anghenion iechyd carcharorion Caerdydd a gwerthuso'r gwasanaethau sydd ar gael ar hyn o bryd i atal afiechyd, canfod afiechyd, lleihau niwed, triniaeth a diwygio ar gyfer problemau iechyd allweddol, ynghyd ag ystyried y rhesymau cymdeithasol ac ymddygiadol sylfaenol
  • Sicrhawyd darparwr newydd ar gyfer Gwasanaethau Meddygol yn dilyn ymarfer tendro cenedlaethol
  • Cafwyd cyllid i ddyblu'r gwasanaethau deintyddol blaenorol drwy'r Gwasanaethau Deintyddol Personol (PDS), ac ail dendro ar gyfer y gwasanaeth wedi i'r Deintydd blaenorol ymddiswyddo. Mae cyflwyno sesiynau deintyddol ychwanegol wedi lleihau amseroedd aros ar gyfer y rheiny â symptomau acíwt
  • Adeiladwyd uned glinigol newydd o fewn y carchar yn cynnwys ardal cleifion mewnol, ag 20 gwely, ar y llawr gwaelod, celloedd sengl gan fwyaf, ac un gell pwysedd negyddol i reoli'r diciâu. Mae hefyd ystafelloedd clinigol ychwanegol, ardaloedd gofal sylfaenol a gofal dydd, stafelloedd deintyddol, fferyllfa, ardaloedd triniaeth a nifer o ystafelloedd gweinyddol. Bydd yr amgylchedd clinigol newydd yn gyfleuster clinigol gwych ac yn galluogi gwireddu ffyrdd newydd o ofal, a mynd i'r afael â bylchau yn y gwasanaeth

 

Blaenoriaethau a Phrif Nodau Strategol 2008-2011:

  1. Hybu gwelliant mewn iechyd, gan ddefnyddio Project Iechyd mewn Carchardai Sefydliad Iechyd y Byd fel sail i'r feddylfryd ac fel fframwaith ar gyfer gwella iechyd.
  2. Bydd Bwrdd Partneriaeth Iechyd mewn Carchardai yn ymdrechu i leihau anghydraddoldebau drwy ddarparu gwasanaethau gofal iechyd hygyrch yn unol ag argymhellion Asesiad Anghenion Iechyd 2007.
  3. Comisiynu'r cyfleuster gofal iechyd newydd ac ymchwilio i gyfleoedd i gynnig modelau gwasanaeth gofal iechyd newydd o fewn y carchar.
  4. Gweithredu llwybr gofal iechyd meddwl Llywodraeth Cynulliad Cymru.
  5. Datblygu llwybr gofal cyflawn ar gyfer camddefnyddio sylweddau, yn cynnwys pob agwedd ar y gwasanaeth o fewn y carchar, ynghyd â gofal dilynol yn y gymuned.
  6. Datblygu strategaeth rheoli clefydau cronig ar gyfer y carchar, yn cyd-fynd â llwybrau gofal cymunedol ar gyfer diabetes, clefyd coronaidd y galon, strôc a chlefydau'r ysgyfaint.
  7. Diweddaru Polisi Clefydau Trosglwyddadwy'r Carchar er mwyn cynnwys argymhellion adroddiad yr Asesiad Anghenion Iechyd.
  8. Datblygu systemau technoleg gwybodaeth dros dro i gefnogi'r gwasanaethau gofal iechyd newydd.
  9. Datblygu rhaglen rheoli tybaco effeithiol a chyflawn yn y carchar, fel rhan o'r broses o weithredu Project Iechyd mewn Carchardai Sefydliad Iechyd y Byd.
  10. Gweithredu'r cynllun gweithlu ar gyfer y carchar a sicrhau staff sydd â'r cymwysterau angenrheidiol i ddarparu'r gwasanaethau hyn.
  11. Defnyddio'r fframwaith perfformiad a ddatblygwyd yn ddiweddar i werthuso effaith gwasanaethau gofal iechyd ar iechyd carcharorion yng Ngharchar Caerdydd.

 

Partneriaid ar y Bwrdd Partneriaid Iechyd mewn Carchardai a'r Grŵp Cynllunio Cynghori

 

Dogfennau Allweddol

 

Dolenni Gwe Eraill

 

Cyswllt

Cyfarwyddwr Nyrsio
Bwrdd Iechyd Lleol Caerdydd
Trenewydd
Heol Fairwater
Llandaff
Caerdydd
CF5 2LD
enquiries@cardifflhb.wales.nhs.uk
healthalliance@cardiff.gov.uk